18 снежня для дзяцей старэйшага дашкольнага ўзросту ДУА "Малькавіцкая сярэдняя школа" Ганцавіцкага раёна прайшло мерапрыемства патрыятычнай накіраванасці "Ліст пра Беларусь". Дзеці разам з выхавальнікамі здзейснілі віртуальнае падарожжа па мінулым і сучасным роднае краіны, расказвалі вершы, спявалі песні і танчылі беларускія народныя танцы. Напрыканцы мерапрыемства "напісалі" "Ліст пра Беларусь" на вышываным ручніку дзяржаўнымі і прыроднымі сімваламі Рэспублікі Беларусь.


